كلمات الالبوم الثالت (awes-i tala) لمجموعة (saghru band)

1-Ieγf n Uzger !


Ur nudir ula n-dder
Ur ngin ula n-kker
Ur neγri, ur n-semder
Ur γurneγ mayed n-ffer !

Nekkni nugi ad n-γer
Iγef inu amm win uzger
Ur nkriz mayed n-megger
Is tram ad n-g Lbeṛbeṛ ?

Ur nεeqqal yad i bučfer
Tin Baddu ula Bugafer
Tirrugza d mas tessfer
Ur nsul dat-t n-bedder

Tamara tegna-γ g iγmeṛ
Ur nεeẓẓi ad as nγer
Is tram ad n ttetter ?
G wakal g d nenker ?


2-Tabrat i Wbama.


Ubama nkk d ameẓyan
Yemmi εzizen tenna-yi
Mimmi wigan ka yafi.

Nekkni nuγal d-ameqṛan
Neγṛa nuli s ifadden
Awinit-t ayt idrimen

Sawleγ dat Lbeṛlaman
Uwin-i-d ayt iεekzan
Beddan γifi rad-i nγen.

Awyati-nn s Marikan
Ad idireγ amm imdanen
Ssufγati-nn g ixeṛṛiqen.

Ḥellu issergigin akal
Abujadi Aṛeḥḥal
Aydas-n yenna Εellal.

Ameγnas g ubniq iγemel
Tarwa nneγ mmuten s wetfel
Tidit n wi tdderγel.

Nger aγuyyi ar Agdal
Ad asin aqeṛyan ungal
Yaγi uya seg Listiqlal.

Negr-ak aεeban amellal
Asey γifi bu tḥellal
Hat sbiddiγ acenyal.

Ubama nkk d Amaziγ
S tmagit d yiles inw stiγ
Ran wi ad digsen fsiγ !.

Ad geγ Aεrab ur rtiγ
Uridd Lyaman agd ddiγ
Graγ cigan d asettiγ

Mimmi wanna-d ssegmiγ
Ad as geγ isem nna riγ
Meqqar-d s idammen γiγ

Ad ẓẓalleγ i wanna riγ
Ur ṛeẓẓaγ nkk ula kweniγ
Qqa-d qqimeγ d Amaziγ


3-Lalla Mimuna


G ubrid iǧan aγezzaf
G ubrid nǧa akabaṛ
Tawrirt ad-t naley zik
Ur neǧǧid i fad d laẓ
Tawant tella yaγ g wul
Ur neǧǧid i fad d laẓ

Mimuna lalla Mimuna !!

G uǧraw abadir nga-t
Diǧes asafar i kwu yan
Iqbilen urem-n akw ttečan
S uryaz ula tameṭṭut
S wunǧal ula amellal
S taymat nččar akw lxiṛ

Mimuna lalla Mimuna !!


Ntter i Mulana neγra-s
Gin aγ tisura xf uyeffas
Raren ul inw d afessas
Aferaḥ ufan aytmas
Maṛs iẓil ayaseggwas
Tizzwa xf uldjiǧ arras

Mimuna lalla Mimuna !!

Tayri tella yaγ ǧ wul
Tayri n wa-nn d ta-nn d wa-nn
Tudmawin ur akw ḥlint
Win-nek a Rebbi ayd nǧa
Nemyaγ ifassen ad neddu
Nemyiri akw afella

Mimuna lalla Mimuna !!

4-Abrid-inu !

Ageḍṛuṛ iney-i-id aqmu,
Issencef-i uẓru n leεlu,
Ur yad yaṭfut umalu,
Iγef inker ir'ad iddu.

Ggulliγ ttbeddaleγ ansa,
Ad nzel laṭer-inu i tmara;
Sbelyun neγ d Fransa,
Nekkin yad giγ ubeṛṛa.

Amalu, tga-yi tmara
Taγect asiγ tissufra
Ad nadaγ nekk anfara
Neγ d-zaydeγ tayeḍ tmara.

Ka nγan-t s rrṣaṣ d ssif,
Ka nγan-t waman bessif;
Tiεurrma yugin lḥif
Temmut g Laṭlas d rrif.

Umẓen-aγ ayt tmezyin
Reglen γifneγ tifelwin,
Ukern-aγ tiwargiwin,
Ur aγ-isul γas aẓey-inn.

Immut meskin g waman,
Immut tcan-t iselman;
Ur tekkul lḥhukuma,
Ur ibriy lberlaman.



5-Awes-i tala

Yan utbir g igenwan
Urrus-d γuri ad ak iniγ

Anniγ-k tgit aferdiy
Mč idd tala ad nemεawan !

Mč idd tiγufiwin ?
Iniyi ad ak iniγ


Idd amazan ayd tegit ?
Win ayt umarg ig bṭan

Ad-k seqqsaγ ? Is ur tannit ?
G imizar nna tekkit !

Yan wudem amm tafuyt
Izla-yi ur djin-t anniγ

Yuddj-ad azemmul g wul
Iga-yi γur wi d amm umeεḍur

Is digwun mayed ittawin?
Yat tebratt ad as tinim ?!

Han lamant lliγ tsul
Da iss ssaraγ iberdan

Idmaren inw agt-t hṭiγ
Iγwerdan axft-t- usiγ







6-Taṭfi n Uzemmur.


Azemmur-nneγ, inwa,
Da d-iseflilliy g isekwla,
Wahli aya t-nγufa
Ad aγ-yili d masetca.

A taṭfi n uzemmur
Asag t-neẓmi netkur
Akufi n waluḍ aqbur !

Agummu, win tegrest,
Ur irwis tifirest,
Yusey ungal n tallest
Iḍuf agensu tabγest.

A taṭfi n uzemmur
Asag t-neẓmi netkur
Akufi n waluḍ aqbur !

Yaγ-i-d uṣemmiḍ g yigran,
Da yi-ttiqiqen ifassen;
Uliγ ggzeγ izemran,
Tikkelt-a, ẓermeγ kigan.

A taṭfi n uzemmur
Asag t-neẓmi netkur
Akufi n waluḍ aqbur !



7-Kker a mmis Umaziγ !

Kker a mmis Umaziγ !
Tafuyt nneγ tuli-d,
Cigan aya wer tt-ẓriγ,
Tawala nneγ a gma tetti-d,

Azzel in'as i Masinissa :
Tamazγa tuki-d ass-a,
Arraw-is mlalen dduklen,
G isenḍal n lejdud feṛḥen.

Kker a mmis Umaziγ !
Tafuyt nneγ tuli-d,
Cigan aya wer tt-ẓriγ,
Tawala nneγ a gma tetti-d,


In'as in'as i Yugerten
Arraw-is s annar ffγen,
Idammen-is hat at-tni raren
Isem-is at-t-id-sskeflen,

Kker a mmis Umaziγ !
Tafuyt nneγ tuli-d,
Cigan aya wer tt-ẓriγ,
Tawala nneγ a gma tetti-d,

Γiwel in'as i Takfarinas :
Tilelli, a-nemmet fellas,
Tamurt nneγ d tmust nneγ
Ayd igan tudert nneγ.

Kker a mmis Umaziγ !
Tafuyt nneγ tuli-d,
Cigan aya wer tt-ẓriγ,
Tawala nneγ a gma tetti-d,


S tutlayt nneγ a-nili,
asekk' ad yaf iḍelli,
Timmuzγa at-tegm at-ternu,
D itri dda s akw ntteddu.

Kker a mmis Umaziγ !
Tafuyt nneγ tuli-d,
Cigan aya wer tt-ẓriγ,
Tawala nneγ a gma tetti-d,